चुकीला चूक म्हटले तर एकटं पडू अशी भीती वाटणा-यांसाठी बाबासाहेबांचे मत, "माझ्यासंबंधी ज्यांची मते चांगली नाहीत असे बरेचसे लोक आहेत. मी तुम्हाला खात्रीपूर्वक सांगू इच्छितो की कोणाचाही कसलाही अपमान करावा अशी माझी मुळीच इच्छा नसते. पुष्कळ हिंदू माझ्याकडे शत्रुत्वाच्या नजरेने पाहतात. मी त्यांच्या भावना दुखविण्याइतके कठोर बोलतो अशी त्यांची तक्रार आहे. परंतु माझे ह्रदय अत्यंत कोमल आहे हे मला माहीत आहे. तथापि, कोमल हृदयाच्या माणसाने सुद्धा सत्य बोलून दाखविलेच पाहीजे. आपल्या अत्यंत प्रिय अशा आप्तेष्टांना कुत्र्यापेक्षाही वाईट वागविल्या जात असतांना आणि त्यांची पुढील प्रगतीची द्वारे सर्व त-हेने बंद झालेली आहेत हे दिसत असतांना मी हिंदुंशी दयाळूपणाने वागावे अशी ते अपेक्षा तरी कशी करु शकतात? म्हणूनच माझ्या भावना आवरून माझ्या विरोधकांशीही सन्मानपूर्वक वागण्याचा मी प्रयत्न करतो. माझ्या विरोधकांशी माझी वागणूक दृष्टपणाची कधीच नसते. परंतु त्यांचे अपराधी मन खात असते."
कोणत्याही टिप्पण्या नाहीत:
टिप्पणी पोस्ट करा
टीप: केवळ या ब्लॉगचे सदस्य टिप्पणी पोस्ट करू शकतात.